| Название | Тағ ээзінең ойнағы кізінің хонарға чарабаанынаңар |
| Название (перевод) | О том, что духу-хозяину горы с простым человеком не положено жить |
| Полное наименование | Тағ ээзінең ойнағы кізінің хонарға чарабаанынаңар |
| Дополнительная информация | Есть перевод |
1. Алында пір кізі аңнап партыр.
В прошлом один человек на охоту поехал, оказывается.
2. Тайғада парып, хомыс идіп алып, иирде хайлап сыхтыр.
В тайгу приехав, хомыс смастерив, вечером стал хаем петь, оказывается.
3. Хайлапчадып, исчетсе, хайдағ-да кізі ӱӱктепче.
Когда так пел, слышит: какой-то человек одобрительно восклицает.
4. «Саба истім ме», — тіп, пазох хайлап сыххан.
«Послышалось, что ли», — говоря, снова стал хаем петь.
5. Пазох ӱӱктепче.
Тот снова одобрительно восклицает.
6. Ол аны утағзары хырғанда, тігізі кіреге ынабаан.
Он позвал его в шалаш, тот отказался войти.
7. Иртен аңнап сыхханда, пір албағы атып алған.
Когда наутро начал охотиться, подстрелил одного соболя.
8. Пазағы кӱнінде, иирде, пазох хайлап сыххан.
На следующий день, вечером, снова стал петь хаем.
9. Пазох кізі ӱӱктепче, ол аны утағзары хырған, тігізі кір килген, че харахха кӧрінмеен.
Снова [какой-то] человек одобрительно восклицает, он его позвал в шалаш, тот вошёл, но глазам не виден был.
10. Азранарға одыртхан, одырбаанох.
Поесть усаживал — не садится.
11. Ол иртеенінде пазох пір албағы атхан.
Назавтра он снова подстрелил одного соболя.
12. Ӱзенӌе кӱнінде, прай ас-тамах тимнеп алып, пазох хайлап сыххан.
На третий день, питья-еды приготовив, снова стал хаем петь.
13. Пазох ӱӱктепче.
Снова кто-то одобрительно восклицает.
14. Ол аны утағзарох хырған,тігізі кір килген.
Он его снова позвал в шалаш, тот вошёл.
15. Ам аның алында хайда-хайдар сіліг хыс турған.
Теперь перед ним очень-очень красивая девушка стояла.
16. Азранарға одыртханда, азранарға одырғанох.
Когда усаживал поесть, она тоже поесть села.
17. Азранып алып, узирге чадыбысханнар.
Когда поели, легли спать.
18. Ол хыс чоохтапча:
Эта девушка говорит:
19. — Піс синнең хада хонарбыс, мин сегее таңда сыйых ызам.
— Мы с тобой ночью вместе ляжем спать, а я тебе завтра подарок пошлю.
20. Тоғызон албағы, алында ах аң килер, син аны атпа, соонӌа килгенін прай ат паза табрағынӌа сой.
Девяносто соболей, впереди белый зверь придёт, ты его не стреляй, а тех, которые за ним пойдут, всех стреляй ипобыстрее свежуй.
21. Сойчатсаң, хараағын сойба, ідик ле сал салчат.
Когда будешь свежевать, его глаз не вынимай, так же оставляй.
22. Иртен, тайғаа сығып, одыр салған.
Утром, в тайгу отправившись, он присел в засаде.
23. Кӧрзе, ах тӱктіг албағы ойлап одыр, уғаа мағат аң.
Видит: соболь с белой шерстью бежит, очень хороший зверь.
24. Атпин, чадап ла сыдады.
С трудом удержался, чтобы не выстрелить.
25. Мыннаң соонӌа килгеннерін прай атлап алғанда, сой сыххан, че чоохтаанох уңдайнаң, харахтарынаң иртіре сойбаан.
За ним бежавших [соболей], всех подстрелив, стал свежевать, но, как было сказано, дальше глаз шкуру не снимал.
26. Ол хыс, киліп, чоохтапче: «Орта иттің, — тіп, — паза ам нан, мин соонаң килерім».
Эта девушка, придя: «Правильно сделал, — говорит, — теперь возвращайся, а я позже приду».
27. Ибінде киліп, истіп одырза, мал мӱӱрезі, пастухтар табызы истілче, итсе, пір дее ниме кӧрінминӌе.
Когда пришёл домой, сидит, слышит: мычание коров, голоса пастухов раздаются, но на самом деле ничего не видно.
28. Тӱрче полғанда, хызы чиде тӱсте.
Немного погодя его девушка появилась.
29. Ас-тамахтың аарлиин, кӧбін салча.
Из питья-еды лучшее и много ставит.
30. Анӌа-мынӌа полғанда, амчоохтап одыр:
Спустя какое-то время она говорит:
31. — Міне ӱс хазанға толдыра сӱт ур салдым, ам ӱс кӱнге узирға чадам.
— Вот три казана молоком наполнила, теперь на три дня спать лягу.
32. Пу ӱс хазан сӱтті пір дее азырбин, арығли соолдыра хайнат.
Молоку в этих трёх казанах не дай убежать, дай полностью выкипеть.
33. Аны азыр салзаң, пістің чуртас чох полар.
Если дашь перелиться, жизни у нас не будет.
34. Олох чоохтаң хайнат сыххан.
Начал кипятить так, как и было сказано.
35. Пір кӱн хайнатхан, азырбаан, ікі кӱн хайнатхан, азырбаан.
Один день кипятил — не дал убежать, второй день кипятил — не дал убежать.
36. Ӱзінӌі кӱнінде хазаннардағы сӱт арығли соол паригенде, хазаннар чарыл парар тіп, ол хысты усхудыбысхан.
На третий день, когда молоко в казанах почти выкипело, подумав, что казаны полопаются, эту девушку разбудил.
37. Хыс, тур киліп, кӧрзе, сӱттер соолбиндыр.
Девушка, проснувшись, видит: молоко [в котлах] не выкипело.
38. Аны кӧріп, чоохтаан:
Увидев это, сказала:
39. — Піске чуртирге киліспеен полтыр, уғаа ачырғастығ, піс чуртабадыбыс, че паза пістің соонда, тағ кізінең пу чарыхтың кізізі чуртабазын, — тіп, чіт партыр.
— Не суждено нам жить, оказывается, очень жаль. Мы не поженились, но больше после нас пусть горные люди с земными людьми не живут, — говоря, исчезла, оказывается.
40. Прай ниме чох пол партыр.
Всё исчезло, оказывается.
41. Ӱс ле албағызы халтыр.
Только три её соболя остались, оказывается.
42. Пасха, харахтарын сойбаан албағылар, прай тіріліп, парыбыстырлар.
Остальные соболи, глаза которых были не тронуты, все, ожив, убежали, оказывается.