Кӱскӱ кӱн чахайахтары — различия между версиями

Материал из sostik.info
Перейти к: навигация, поиск
 
Строка 21: Строка 21:
 
[[Категория:Поэзия]]
 
[[Категория:Поэзия]]
 
[[Категория:Майнашев Валерий Гаврилович]]
 
[[Категория:Майнашев Валерий Гаврилович]]
[[Категория:Литературные произведения]]
 

Текущая версия на 08:32, 20 октября 2014

Орай кӱскӱ. Че ниме пол парды?
Ноға хараамны нуубыстым? -
Мына пазох кӱн чахайахтары
Часхыдағы чіли кӧйібістір.
Арығның ачығында турчам мин,
Кӧрбеен нимені чоо чапсып.
Істімде пазох ла чобалчам мин,
Кӱн чахайахтарын айабызып.
"Ноға ӧстер, кӱн чахайахтары,
Кем сірерні алаахтарыбысхан?
Чағдап одыр хысхы соохтары,
Тӱрчедең ыылир хар-пораан.
Ырах парғлабысхан аймах хустар,
Чахайахтар турғлапча харалып.
Сірер ле пір сағыныбыстырзар,
Пір кӱн ӱчӱн пу чирге айланып".
Уғаа хомзыныстығ мағаа:
Нӧӧс мин чуртас чазыдын кӧрдім?
Арса, мин дее пу ах чарыхха
Тузым читкелекке маңзырадым?​