Карим аӌа — различия между версиями

Материал из sostik.info
Перейти к: навигация, поиск
(Новая страница: «Сойанның улуғ ӧрініс. Армиядаң Карим аӌазы айланған. Солдат кип—азахтығ, позы пӧзік. Пӧр…»)
 
Строка 32: Строка 32:
 
— Ам піс піди кӱннің сай зарядка идербіс! — тіпче Карим аӌазы. — Соонаң кӱстіг пол парарзың.
 
— Ам піс піди кӱннің сай зарядка идербіс! — тіпче Карим аӌазы. — Соонаң кӱстіг пол парарзың.
  
— Че, — тіп, ӧрчіліг нандырған Сойан.
+
      Че, — тіп, ӧрчіліг нандырған Сойан.
 
[[Категория:Проза]]
 
[[Категория:Проза]]
 
[[Категория:Топоев Илья Петрович]]
 
[[Категория:Топоев Илья Петрович]]

Версия 17:31, 20 октября 2014

Сойанның улуғ ӧрініс. Армиядаң Карим аӌазы айланған. Солдат кип—азахтығ, позы пӧзік. Пӧрігінде чылтыс хызарча, шинельде мархалары чылтырасча.

— Минің дее солдат поларым килче, — чоохтанча ӧрчіліг Сойан. Позы аӌазына чарбанча, аның пӧрігін кизергс харбанча. — Ӧзіп алзаң, поларзың, — кӱлінче Карим аӌазы.

Иртен Сойан истіг ле узупчатхан. Кем—де аның чорғанын хыйа тартыбысхан. Оолағас харахтарын чадап ла асхан.

— Тур! Зарядка идербіс!

Карим аӌазы спортивнай кип—азах кизібістір. Орған хыринда турча.

— Че, тур, тур! Чатпа! Солдат кізі хапчығай турча.

Сойан, ағырин—кӧӧлӌе хыймыранып, тонан сыххан.

— Че, ам тасхар парааң! Чӱгӱрербіс!

Сойан, аӌазын улуғлап, аның чооғын истіпче. Аӌазының соонӌа чӱгӱрче. Тасхар кӱскӱ. Сӧрӧн. Хыро чирні ағарта чаап салтыр.

— Соона халба! Чит мағаа!

Сойан аӌазына чидерге кӱстенче. Тыны хыстыхча, позы даа тирлеп пастабысхан. Олар іди, аал тастынзар чӱгӱр парып, арығзар читкеннер.

— Че, ам зарядка идербіс! — тіпче аӌазы.

Ам олар ағастар аразында зарядка ит сыхханнар. Кии ап—арығ. Пуларны кӧріп, саасханнар тыӌырасханнар. Сойан тын алынып алған. Уйғузы саңай ачыл парыбысхан. Зарядка идерге хынығ даа пілдірібіскен.

— Че, ам ибзер чӱгӱреең! — чахығ пирче Карим.

Ибзер ниик ле чӱгӱр килгеннер. Анаң олар тӧзектерін иптееннер, соох суғнаң чуунғаннар.

— Ам піс піди кӱннің сай зарядка идербіс! — тіпче Карим аӌазы. — Соонаң кӱстіг пол парарзың.

— Че, — тіп, ӧрчіліг нандырған Сойан.