Название	Чайғызын ӱс аалда полғам
Название (перевод)	Летом я был в трех селах
Полное наименование	Чайғызын ӱс аалда полғам
Источник	Хығырӌаң кинде. 2 кл.: тиксi ӱгредiг учреждениелерге учебник. Литературное чтение. 2 кл.: учебник для общеобразовательных учреждений / А. Н. Балгазина. – Ағбан: Хакас книга издательствозы, 2013. – 184 с.: хоос. ISВN 978-5-7091-0627-7
Жанр	Учебные тексты

Чайғызын ӱс аалда полғам

     Минің адым Тенгиз. Мин Ағбан городта чуртапчам. Пу чайғызын Аршан, Онхак паза Казановка аалларда полғам.

     Аршанда Нина чаӌам чуртапча. Анда ӱӱӌік суғлаӌаңмын, от чулӌаңмын паза інек удурлаӌаңмын. Ӧріңме-сӱтті тосханӌа ізіп, чіп алғам. Суға сомарға чӧргем. Суғлары тың тирең нимес.

     Минің мойнымӌа алай кӧксімӌе ле. Аршанда чыл сай чайғыда полчам. Аннаңар анда минің нанӌыларым пар. Минің оларға істім кӧйче.

     Мағат оларға. Аалда чуртапчалар. Мин дее аалда чуртирӌыхпын. Прай чіӌең нимелері пар.

     Ӱӱӌіксер пар, чулып ал. Магазиннеп чӧрерге кирек чоғыл.

     Пірдең, ахча хорабинча. Анаң кӧмес Марина чаӌамда Онхак аалда чуртаам.

     Иң чахсы Казановкада полған. Ӱӱӌiкте чоон-чоон редискалар ӧсче. Пір редискаа ла кізі тос парча. Анда слива паза ранетка даа ӧсче. Мағаа школаа прай ниме ал пиргеннер.

     Школаа парарын сағыпчам. Ӱгренмезе, хомай полча. Мин кӧмес улуғ пол парғам.

     Ікінӌi класста ӱгренем.